کوچنۍ تیروتنه به د اسرائیلو دختمیدا سبب شی
-
نن سبا د ایران داسلامي انقلاب د تماس لیکې په زرګونو کلومیټره ژورې شوي دي .
زمونږ خبریال وایی دایران د اسلامی انقلاب د سپاه پاسداران ځواک مشر برید جنرال حسین سلامی وویل د ایران په وړاندې د صهیونیسټ رژیم ترټولو کوچنۍ غلطۍ به اخری تیروتنه وی او له نړۍ څخه د اسرائیلو د ختمیدا سبب به شی .
هغه پرون د ایران داسلامی انقلاب له ستر لارښود حضرت ایت الله العظمی سید علی خامنه ای سره د سپاه پاسداران ځواک د زرګونو قومندانانو په کتنې کښې وویل نن سبا د ایران داسلامی انقلاب د تماس لیکې په زرګونو کلومیټره ژورې شوی دی او له ظلم سره د مبارزې ، د عدالت غوښتنې او د معنویت دپیغام په انتقالولو سره امریکا دسیمې په سیاسی او امنیتی بدلونونو کښې څنګ ته کړې شوی ده .
د ایران داسلامی انقلاب دسپاه پاسداران ځواک مشر برید جنرال حسین سلامی د اسلامی انقلاب په اقتدار باندې ټینګار سره وویل سپاه پاسداران د هیواد دننه په نوی کیدا سره په بیلابیلو ډګرونو کښې د خپل توان د نور پیاوړی کولو په لور دحرکت په حال کښې دی .
دایران داسلامی انقلاب دسپاه پاسداران ځواک په زرګونو قومندانانو پرون په امام خمینی رحمت الله علیه امامباړې کښې د اسلامی انقلاب له ستر لارښود حضرت ایت الله العظمی سید علی خامنه ای سره کتنه وکړه .
