د نور سپوږمکۍ توغول د نړیوالو پریکړه لیکونو خلاف نه دي
د ایران د قضائيه قوې مشر د امریکې او د هغو اروپايي هیوادونو ادعا او شورماشور چې د نور په نامه د ایراني سپوږمکۍ فضا ته لیږل له نړیوالو پریکړه لیکونو سره په تضاد کښې بولي، دروغ وباله.
د ایران د قضائيه قوې مشر د امریکې او د هغو اروپايي هیوادونو ادعا او شورماشور چې د نور په نامه د ایراني سپوږمکۍ فضا ته لیږل له نړیوالو پریکړه لیکونو سره په تضاد کښې بولي، دروغ وباله.
د ایران د اسلامي انقلاب د سپاه پاسداران ځواک له خوا فضا ته د نور په نامه سپوږمکۍ له کامیابې لیږدونې وروسته ځینو اروپايي او امریکايي چارواکو د ایران له دې کاره اندیښنه څرګنده کړه او مدعي شول چې ایران د امنیت شورا د ۲۲۳۱ پریکړه لیک خلاف ورزي کړې ده.
د ایران د قضائیه قوې مشر سید ابراهیم رئیسي پرون د هیواد د قضايي مسئولانو د عالي شورا په غونډه کښې د نور سټیلائیټ په کامیابې توغونې کښې د سلامي انقلاب د پاسدارانو لښکر د اقدام په قدرونې سره دغه کار د علم او ټیکنالوجۍ په برخه کښې د تولید د ترقۍ یوه ځلا او د هیواد لپاره یو اقتدار پنځونکې اقدام وباله او ويې ویل: په دې روحیې باندې په تکیې سره په ټولو برخ کښې د تولید د رونق او د اقتصادي ستونزو د کمولو په لړ کښې ګامونه پورته کیدې شي.
