امریکا باید له ایټمي موافقې د وتلو ځواب ورکړي
د ایران د بهرنیو چارو وزیر وویل: قانون ماتونکې بدماشي د ملګرو ملتو اعتبار په خطر کښې اچوي او نړیواله صلحه او امنیت ګواښي.
محمد جواد ظریف پرون په خپل ټویټر اکاونټ کښې په برجام(ایټمي موافقه) کښې د امریکې د مشارکت د بندیدو له دویمې کلیزې سره هممهاله د ملګرو ملتو سرمنشي انتونیو ګوتریش ته خپل لیږلي لیک ته په اشارې سره یادونه وکړه چې امریکا باید له برجامه د وتلو او د دغې موافقې خلاف ورزۍ ته د نورو د مجبورولو په هکله ځواب ورکړي.
ظریف په دغه لیک کښې په دې ټکي باندې په ټینګار سره چې اوس وخت دی چې امنیت شورا او د هغې غړي د ټولو لورو لخوا د ایټمي موافقې د بشپړې اجرا ضمانت ورکړي، زیاته کړه: د ملګرو ملتو په تاریخ کښې دا وړومبې ځل دی چې د امنیت شورا یو دائمي غړی، نورو غړو حکومتونو ته د امنیت شورا د یو پریکړه لیک د پیروۍ په وجه خبردارې ورکوي.
د ایران د بهرنیو چارو وزیر هم د اشان څرګنده کړه: امنیت شورا ته پکار دي چې د امریکې د داشا ن له سپکاوي د ډک کړچار د تکراریدو په لړ کښې د نرمې څارنې پرځاې د ایران د خلکو خلاف د غیرقانوني بندیزونو بیا لګیدل په کلکه وغندي کوم چې د ۲۲۳۱ پریکړه لیک او د نړیوالو حقوقو خلاف ورزي ده.
