د مسافری الوتکې مخه نیولل د امریکا هوائي ترهه ګري ده
له بندیزونو سره سره ، داوراسیا سیمې هیوادونو ته د ایران صادرات ۶۳ فی صده زیات شوي دي او دا ښئ چې دښمن په اقتصادي زمینې کې بریالی نه دی او د ایران اقتصاد ئې نه دی درول شوی .
زمونږخبریال راپور راکړ د اسلامی ایران ولسمشر حسن روحاني نن د حکومت دکابینې دغړو په غونډې کې ددې خبرې په کولو سره چې د نړیوال کریډور په فضا کې د امریکائي جنګی الوتکو له خوا د ایران دمسافري الوتکې د مسافرانو دژوند په خطر کې اچول مخینه لري ، زیاته کړې ، د امریکا د حکومت دغه شیطنت، د ایراني ضد سیاستونو د ماتې ښودونکی دی او د دوي لپاره یوازې یوه لاره پاتې ده او هغه ، دایران خلکو ته د اوښتو تاوانونو جبرانول او د مقرراتو ،موافقو ،قانون او دحق اجرا ده .
د اسلامی ایران ولسمشر د هوائي چلند دعمومي چارو له نړیوال اورګان ،دملګروملتو له امنیت شورا او درستو هیوادونو غوښتي ، دامریکا دحکومت له دغه ترهه ګر اقدام سره دې چلند وکړي .
ډاکټر حسن روحاني همداراز د ایران په ضد دوسلو دبندیزونو د دوام لپاره د امریکایانو هلوځلو ته په اشارې سره روښانه کړې ده ، امریکایان د ایران په ضد دیوه پریکړه لیک دتعقیبولو لپاره له سپینې ماڼۍ د دلال په شان شپه او ورځ هڅې کوي خو تر نن ورځې پورې ورته هیڅ په لاس نه دي ورغلي البته که یوه ورځ پکې بریالي هم شي ، نو ایران به ورته غوڅ ځواب ورکړي .
ډاکټر روحاني په دې خبرې په ټينګار سره چې دښمن د ایران داقتصادي ارکانو د نابودولو او د اقتصاد د ګډوډولو په لټه کې دی ، وئيلی دي ، له بندیزونو سره سره ، داوراسیا سیمې هیوادونو ته د ایران صادرات ۶۳ فی صده زیات شوي دي او دا ښئ چې دښمن په اقتصادي زمینې کې بریالی نه دی او د ایران اقتصاد ئې نه دی درول شوی . داسلامی ایران ولسمشر په خلکو کې هره ورځ د پروپيګنډو رامینځةکول ایران او اسلامی نظام ته د ګوزار ورکولو لپاره د دښمن یوه بله دسیسه وبلله او وې وئيل ، دهیواد په ختیځ یا لویدیځ کې د کومې سیمې یا ټاپو د خرڅولو او یا د سینونو، ځنګلونو او غرونو د وقف کولو او یا د خرڅولو په څير دبې اساسه پروپیګنډو مطرح کول ، هیڅ اساس او بنیاد نه لري او یوازې په خلکو کې د اندیښنو او خپګانونو د رامینځةکولو لپاره دي . هغه روښانه کړې ، د ایران ولس په خپلې هوښیارۍ اوځيرتیا سره د دښمنانو درستې دسیسې او آوازې شنډې کړي دي .
