د فارس خلیج ملګرتیا شورا د ناکارندوالي په اوج کې ده
ایرنا خبري اژانس وايي د ایران د باندنیو چارو د وزارت ویاند سید عباس موسوي د تهران پرضد د وسلو د بایکاټ د غځولو لپاره د فارس خلیج د ملګرتیا شورا بیانیې ته په غبرګون کښې په دې خبرې ټینګار سره چې دغه شورا د خپلې ناکارندوالي په اوج کښې ده وویل دغه بیانیه په یواړخیزه ډول او دیکته شوي بڼه خپره شوي ده .
هغه بیګا د ایران پرضد د وسلو د بایکاټ د تمدیدا د غوښتنې په هکله د فارس خلیج د ملګرتیا شورا د سیکریټریټ لخوا له خپاره شوي خبر وروسته د ایران د اسلامي جمهوریت په وړاندې د دغه شورا د ځینو غړیو هیوادونو په غیر رغنده کړچار خواشینۍ څرګندولو سره وویل د فارس خلیج د ملګرتیا شورا غیر مسولانه بیانیه په داسې حال کښې په یواړخیزه ډول او په دیکته شوي بڼه صادریږي چې د دغه شورا ځینو غړیو هیوادونو په اقتصادي مشکلاتو کښې هم د وسلو له اخیستلو او د وسلو له جمع کولو لاس نه دی اخیستی او دوې په سیمه او دنیا کښې د وسلو تر ټولو ستر خریداران دي او بې شکه د امریکا ګټو هم په دغو چټي ادعاګانو او کړچار سره په دغو عربو هیوادونو باندې د ډیرو وسلو له خرڅولو سره غوټه خوړلي ده .
عباس موسوي وویل په یمن کښې د بې دفاع ماشومانو او د خلکو وژله د فارس خلیج د ملګرتیا د شورا د ځینو غړیو د غلطو سیاستونو عیني ورایښت دی .
