ايران د يمن د سپورټ د وزير وژله وغندله
د ايران د خارجه وزارت وياند د يمن د ملي نجات د حکومت د سپورټ او ځوانانو د وزير وژله وغندله.
سعيد خطيب زاده نن په يو پېغام کښې د يمن د ملي نجات د حکومت د سپورټ او ځوانانو د وزير او د حزب الحق د مشر حسن محمد زېد د وژلې په غندلو او د دغه هېواد له حکومت، ملت او د دغه يمني چارواکي له کورنۍ سره د خواخوږۍ په څرګندولو سره تاکيد وکړ: دغه ناځوانمردانه حمله په يمن باندې د تيريګرو د نورو جنايتونو په شان يوازې د دغه هېواد له مقاوم او کلکې ارادې لرونکي ملت سره په مقابله کښې د تيريګرو د کمزورۍ او بندون ته د رسېدو ښودنه کوي.
د ايران د خارجه وزارت وياند واضحه کړه، دغه وژله يوازې د يمن د خلقو اراده او روحيه کمزورې کوي نه بلکه له مخکښې نه زيات د دغه غېرتمن ملت د حقانيت ښودنه کوي.
د يمن د سپورټ او ځوانانو وزير حسن محمد زيد پرون د صنعا د جنوب په حده سيمه کښې د ناپېژندل شوي وسله وال په ډزو ولګېد او له زخمي کېدو وروسته د صنعاء يو روغتون ته منقل کړې شوچې هلته کښې يې سا ورکړه.