قالیباف په عراق کې وروستي ترهګریز بریدونه وغندل
د ایران د اسلامي شورا مشر د یوې بیانیې په صادرولو سره په بغداد کې د وروستیو چاودنو او د دې هیواد د ملکي وګړو د مرګژوبلو غندنه کړې.
په ایران کې د اسلامي شورا مشر محمد باقر قالیباف تېره شپه د عراق د پارلمان مشر محمد الحلبوسي ته په یوه بیانیه کې د خواخوږۍ د څرګنډولو تر څنګ په بغداد کې د ترهګریزو اقداماتو غندنه کړې کوم چي لسګونو ملکي وګړو ته مرګژوبله اړولې.
قالیباف دې ته په اشارې سره چي ایران د تېر په شان به د تروریسم سره د مبارزې په ډګر کې له عراق په کلکه ملاتړ او وروسره همکاريو ته په دوام ورکړي وویل: د ایران اسلامي شورا تیار دی چي ترهګری سره د مبارزې لپاره د دواړو هیوادونو تر مینځ د همکاریو زمینه نوره هم برابره کړي.
تېره ورځ د عراق په د پلازمیني بغداد په مرکزي میدان الطیران کې دوه ځانمرګي بریدونه وشول چي د عراقي مسئولینو په وینا له امله یې تر ۳۵ تنه زیات ملکي وګړي وژل شوي او تر ۱۱۰ تنو زیات هم ژوبل شوي دي.
