پاکستان له سېلاب ځپلو سره د نورومرستوغوښتنه وکړه
ټاکل شوې چې د ملګرو ملتونو سرمنشي انتونیو ګوتریش د سپټمبر په نهمه پاکستان او سیلاب ځپلو سیمو ته سفر وکړي او له پاکستاني چارواکو سره وګوري.
د پاکستان حکومت له نړیوالې ټولنې غوښتي چې په وروستیو سېلابونو کې د دغه هېواد له خلکو سره نورې مرستې هم وکړي.
دغه غوښتنه په داسې حال کې شوې، چې الوتکو د یوه بشردوستانه هوایی پله له لارې دغه هېواد ته بشری مرستې لېږدولې دی.
د پاکستان د حکومت د لومړنیو اټکلونو له مخې په دغه هیواد کې بارانونو او سیلابونو لس ملیارده ډالره زیان اړولی دی.
ځینې چارواکي او کارپوهان د مونسون غیر معمولي بارانونه او سیلابونه د اقلیم د بدلون له امله اغیزمن بولي.
ټاکل شوې چې د ملګرو ملتونو سرمنشي انتونیو ګوتریش د سپټمبر په نهمه پاکستان او سیلاب ځپلو سیمو ته سفر وکړي او له پاکستاني چارواکو سره وګوري.
د دې اونۍ په پیل کې، ملګرو ملتونو او پاکستان په ګډه د 160 ملیون ډالرو مالي مرستې غوښتنه وکړه.
د پاکستان د طبیعي پېښو د مخنیوي ادارې په خپل تازه راپور کې د قربانیانو په شمېر کې د ۵۷ تنو د زیاتوالي خبر ورکړی دی.
په همدې حال کې د قربانیانو او بې ځایه شویو د شمېر له زیاتېدو سره پاکستان ته د نړیوالو پام زیات شوی دی.
د پاکستان د لومړي وزیر شهباز شریف د مرستې پخوانۍ غوښتنې د نړیوالې ټولنې چټک غبرګون راوپاراوه.
