د ایران او پاکستان مشران په نیویارک کښې د ملاقات نیت لري

دا به په څه کم دریو اونیو کښې د ایران د ولسمشر او د پاکستان د وزیراعظم دویم ملاقات وي

د پاکستان وزیراعظم به د ملګرو ملتو د عمومي اسمبلۍ د غونډې ترڅنګ د ایران د اسلامي جمهوریت له ولسمشر سره ملاقات وکړي

دا به په څه کم دریو اونیو کښې د ایران د ولسمشر او د پاکستان د وزیراعظم دویم ملاقات وي.

د ایرنا د خبر له مخې د پاکستان وزیراعظم شهباز شریف چې پرون له لندن څخه امریکې ته لاړ، ټاکل شوې چې د ملګرو ملتو د عمومي اسمبلۍ د غونډې ترڅنګ د ایران د اسلامي جمهوریت له ولسمشر سید ابراهیم رئیسي سره ملاقات وکړي.

په سمرقند کښې د ولسمشر رئیسي او شهباز شریف ترمینځ شوې کتنې کښې چې موافقه وشوه چې پاکستان د انرجۍ د برخې په شمول د دوه اړخیزو سوداګري ملګرتیاؤ د پراختیا په هکله د بحث لپاره یو پلاوی ایران ته راولیږي.