پاکستان د طالبانو د فیصلې د بدلیدا غوښتنه وکړه
زمونږ خبریال راپور راکړی پاکستان د افغانستان د طالبانو له موقته حکومته وغوښتل د انجلیو د لوړو زده کړو د بندیز په فیصلې کښې بیا کتنه وکړي.
د پاکستان خارجه وزارت په افغانستان کښې د ښځو د لوړو زده کړو په زده کړې باندې بندیز ته په غبرګون کښې وویل په افغانستان کښې د ښځو په لوړو زده کړو باندې د بندیز له فیصلې سره په مخالفت کولو کښې د اسلام اباد دریځ واضح دی نو ځکه خو پاکستان په دې زمینه کښې د طالبانو د موقته حکومت په فیصلې کښې د بیا کتنې کولو غوښتونکی دی.
د پاکستان د بهرنیو چارو وزارت ټینګار وکړ د اسلامي حکمونو او د اصولو پراساس هر سړی او هره ښځه د زده کړې حق لري پر دې اساس د طالبانو چارواکي باید په خپلې فیصلې کښې بیا کتنه وکړي.
د طالبانو د حکومت د لوړو زده کړو ورازت په خپلې نوي فیصلې کښې وویل ښځینه محصیلینې به تر راتلونکي اطلاع پورې پوهنتونونو ته د تلو اجازه ونلري.
دغه فیصله د طالبانو د موقته حکومت د کابینې له غونډې وروسته شوي ده.
دغه فیصله د طالبانو تر حکومت لاندې د ښځو او د انجلیو حقوقو ته نوی ګوزار ګڼل کیږي.
