عمران خان او شاه محمود قریشي په ۱۰ کاله بند محکوم شول
عمران خان د لومړي وزارت په مهال په یوه عامه غونډه کې یو کاغذ خلکو ته وښوداو ویې ویل چې دا د یوه جګپوړي امریکايی چارواکي لیک دی چې د هغه د حکومت د پرزېدو غوښتنه پکې شوې ده.
د پاکستان یوې محکمې د دغه هیواد پخوانی لومړی وزیر عمران خان او د باندنیو چارو پخوانی وزیر شاه محمود قریشي هر یو په لس کاله بند محکوم کړل.
دوی ته دا سزا د رسمي اسنادو د افشا کولو د تور په خاطر ورکړل شوې ده.
عمران خان اوشاه محمود قریشي په بند کې دي او دوی ته سزا په هغه محاکمه کې اعلان شوه چې د راولپنډۍ ښار په اډیاله جیل کې جوړه شوې وه.
عمران خان د لومړي وزارت په مهال په یوه عامه غونډه کې یو کاغذ خلکو ته وښوداو ویې ویل چې دا د یوه جګپوړي امریکايی چارواکي لیک دی چې د هغه د حکومت د پرزېدو غوښتنه پکې شوې ده.
محکمه وايي چې عمران خان او د بهرنیو چارو وزیر یې په دې کارسره د رسمي او دولتي رازونو د پټ ساتلو د قانون سرغړونه کړې ده.
