د پاکستان په بلوچستان کښې دوه ترهه ګر هلاک کړے شول

د پاکستان د بلوچستان صوبې په ډېره بوګټی سیمه کښې د دغه هېواد د امنیتی ځواکونو په عملیاتو کښې دوه ترهه ګر ووژل شول او دوه نور ونیول شول.

د سحر چېنل د رپوټ له مخې د پولیسو په قول وژل شویو ترهه ګرو  په قتلونواو په حکومتی ودانیو باندې په حملو کښې لاس لرۀ.

دوه ورځې مخکې هم  د همدغې صوبې د مستونګ ښار په کانک سیمه کښې له امنیتی ځواکونوسره د جهنګوی ترهه ګرې ډلې په نښته کښې د دغې ډلې دوه ترهه ګر ووژل شول

په پاکستان کښې جهنګوی لښکر او سپاه صحابه په بشپړه توګه پېژندل شوې ترهه ګرې ډلې دی چې د شیعه مسلمانانوپه شمول یې د دغه هېواد د سلګونو خلقو په قتل عام کښې لاس لرلے دے.

--------