ایران او پاکستان باید دتجارتی مبادلاتو اندازه زیاته کړی
په پاکستان کې د ایران سفیر وویل تهران د دواړو هیوادونو تر مینځ د اقتصادی او تجارتی ملګرتیاوو د پراختیا لپاره قوی اراده لری او په دې برخه کې په خپلو ژمنو پوره پابند دی.
د ایرنا خبری اژآنس د راپور له مخې مهدی هنر دوست نن د راولپنډۍ ښآر د تجارتی او ښاری صنایعو د کوټې د غړو په ټول کې وویل له ګاونډیو هیوادونو حتی افغانستان سره د ایران د تجارت اندازه له پاکستان سره د تجارت څو برابره ده پر دې اساس پاکستانی تاجران دې هڅه وکړی د ایران له لویو اقتصادی او تجارتی ظرفیتونو د استفادې لپآره له نورو سره له سیالۍ شاته پاتې نه شی.
هنر دوست زیاته کړه : ضروری ده چې د ایران او پاکستان اقتصادی تجارتی برخې تر پخوا زیات له یو بل سره د اطلاعاتو تبادله ولری چې د دوه اړخیز تجارت د لوړاوی په لاره کې د پرمختګ لپاره مشخصه او ټاکل شوې د لارې نقشه جوړه شی.
ده د دواړه هیوادونو سیاسی اړیکې بې مثاله او د پاکستان او ایران اوږدۍ پولې د سولې او دوستۍ پولې وبللې او وې ویل : ایران همیشه په تاریخ کې د پاکستان دوست او د اعتماد وړ ملګری پاتې شوی او وی به او همیشه یې له پاکستان سره هر اړخیزو اړیکو ته پآم لرلی دی.
هنر دوست په دې بیان سره چې ایران د دواړو ګاونډیو هیوادونو ترمینځ د اقتصادی او تجاری اړیکو پراختیا ت خپلې هڅې متمرکزې کړې وویل د ایران سفارت د ویزو په ورکولو کې د اسانتیا ، له ایرانیو لورو سره د پاکستانی تاجرانو او شرکتونو د هماهنګۍ او نور هر ډول قانونی ملاتړه ډډه نه کوی.
ده د پاکستان او ایران تر مینځ د ازاد تجارت د موافقې موضوع ته په اشارې سره وویل د دغه تړون په نهایی کیدو سره به د دوه اړخیز تجارت په لاره کې ډیر خنډونه لرې شی.