په پاکستان کې د شیعه کشۍ په خلاف مظاهرې وشوې
د پاکستان شیعیانو د جمعې له لمانځه وروسته په ټولو هیواد کې مظاهرې وکړې.
زمونږ دخبریال د راپور له مخې دغه مظاهرې په کراچۍ ، حیدر آباد ، سکر ، خیر پور، لاړکانه ، ګلګت او بلتستان، او د پاکستان په نورو ښارونو کې د شیعه عالمانود شورا او د دغه هیواد د وحدت مسلمین په بلنه نن د شیعیانو د وژلې په خلاف وشوې.
د پاکستان شیعیانو په دغو مظاهرو کې د پاکستان د لومړی وزیر نواز شریف او د داعش او جنګوی تکفیری ډلو په خلاف شعارونه ورکړل.
شیعه عالمانو په دغه اعتراض کې د پاکستان د شیعیانو د وژلې په وړاندې د دولت په چوپتیا نیوکه وکړه .
د شیعه عالمانو شورا او د پاکستان و حدت مسلمین مجلس پرون د دغه هیواد له خلکو غوښتې وو چې نن د جمعې له لمانځه وروسته په پاکستان کې د شیعیانو وژلې په خلاف په درست هیواد کې مظاهرې وکړی.
تیره شنبه د پاکستان په پاړه چنار ښار کې د یوې ترهه ګرې چاودنې له امله پینځه ویشت شیعه مسلمانان شهیدان او تر پنځوسو زیات ژوبل شول . همداراز په تیرو ورځو کې په کراچۍ کې هم یو شمیر تکړه شیعه شخصیتونو ترور شول .