د پاکستان پر ضد نوی ترهګر عملیات پیل شول
د پاکستان پر ضد نوی ترهګر عملیات پیل شول
د پاکستان د پوځی چارو د یوه مشهور تحلیل کونکی زید زمان حامد په حواله زمونږ د خبریال د راپور په اساس، د پاکستان طالبانو، جماعت الاحرار او لښکر جهنګوی له تیرې اونۍ څخه د پاکستان پر ضد یو نوئ جنګ پیل کړئ دی.
د زید زمان حامد په وینا، د پاکستان پر ضد د خوارجو دغه نوئ جنګ، د اسلام آباد د لال جومات د پخوانی خطیب عبدالرشید غازی د عملیاتو په نوم نومول شوئ دی چې په دوه زره اووم میلادی کال کښې د تکفیری ترهګرو پر ضد په پوځی عملیاتو کښې چې په حفصه اسلام مدرسه کښې ترسره شوی وو، وژل شوئ ؤ.
باید ووایو چې د استخباراتی سازمانونو ځینو حلقو هم د لال جومات له تکفیری سیاستونو ملاتړ کاوه.
د یادولو وړ ده چې تکفیریانو څه موده وړاندې په پاراچنار کښې د یوې ترهګرې حملې په ترڅ کښې دیرش تنه شیعیان شهیدان او په لسګونو نور یې ټپیان کړل. د تیرې سه شنبې په ماښام هم په لاهور کښې د پنجاب د صوبایی پارلمان په وړاندې یوه ترهګره حمله وشوه چې په ترڅ کښې یې دیارلس تنه وژل شوی او لسهاوو نور ټپیان شول.
پرون هم د مومندو قبایلی سیمه د یوې ترهګرې حملې کتونکې وه چې پکښې اووه تنه حکومتی ځواکونه ووژل شول.