پاکستان له افغانستان سره پوله بنده کړه

د تاند خبری آژانس د راپور په اساس، د پاکستان پوځ وویل چې د افغانستان او پاکستان ترمینځ پوله یې د امنیتی دلایلو له کبله تر نامعلوم وخت پورې بنده کړې ده.

د پاکستان د پوځ د رسنیو د څانګې استازی تورن جنرال آصف غفور له افغانستان  سره  د پاکستان  د پولې  د بندیدو اعلان په ټویټر کښې خپور کړ.

هغه لیکلی: د پاکستان- افغانستان  پوله  په  امنیتی دلایلو تر راتلونکې امره پوری  بنده ده.

دا پریکړه د پاکستان د سند صوبې په سیهوڼ شریف کښې له حملې وروسته وشوه چې په تیرو پینځو ورځو کښې څلورمه ستره حمله وه.