په کراچۍ کښې د ایرانی صنایعو نندارتون پرانیستل شو

د پاکستان د سند صوبې په مرکز کراچۍ ښار کښې د ایران د اسلامی جمهوریت د صنایعو نندارتون د دواړو هیوادونو د یوشمیر چارواکو په شتون سره پرانیستل شو.

د ایرنا د خبر له مخې د دغه نندارتون د پرانیستې په مراسمو کښې چې په کراچۍ کښې د ایران د اسلامی جمهوریت د کنسولګرۍ لخوا ترسره شول، د جوړونې یا کنسټرکشن، د ټائلز او سرامیکو د صنایعو، پیټرو کیمیکل محصولاتو، مشینرۍ، فرشی صنایعو، خوراکی موادو، د کور د استعمال شیانو، د ودانیو د مصالحو یا میټیریل په شمول نورو برخو کښې څه باندې شپیته ایرانی شرکتونه خپل محصولات نندارۍ ته وړاندې کوی.

کراچۍ د پاکستان ترټولو زیات نفوس لرونکی او مهم اقتصادی او تجارتی ښار دی.