له پاکستانه د افغان کډوالو د ویستلو بهیر روان دی

له پاکستانه د افغان کډوالو د اجباری ایستنې د بهیر په دوام کښې له خیبر پښتونخوا صوبې ۲۳۵ نور افغان کډوال وایستل شول.

د تسنیم خبری آژانس د خبر له مخې پاکستان نن ۲۳۵ افغان مهاجر د تورخم د ګډې پولې له لارې افغانستان ته ولیږل.

د افغانستان د قندهار د والی د ویاند په وینا تیره اونۍ هم په پاکستان کښې د بلوچستان صوبې له سرحدی سیمو څخه څه باندې ۵۰۰ افغان کورنۍ په زور د قندهار ولایت شورابک ولسوالۍ ته لیږل شوې وې.

مخکښې د بشری حقوقو څارونکی سازمان اعلان کړی و چې د پاکستان حکوت له تیر کال راهیسې له شپږو لاکو زیات افغان کډوال په غیرانسانی او غیرقانونی توګه په زوره له هیواده شړلی دی.