دپاکستان واکمنان دترهګرو ملاتړ او حمایت کوی .

زمونږخبریال وایی دپاکستان دپیپلز ګوند یوه(۱) مشر مولابخش چانډیو وویل په کوم هیواد کښې چې حکومتی چارواکی او واکمنان د ترهګرو ملاتړ کوی هلته هیڅوک بیا دترهګرۍ مخه نشی نیولای او زیاته یې کړه که چیرې د ردالفساد دعملیاتو پرځاې د رد النثار(اشاره دپاکستان دکورنیو چارو وزیر چوهدری نثار علی خان ته ده ) چاره ترسره کیدلای نو دپوځی عملیاتو دترسره کیدا هیڅ ضرورت نه پریوت .

هغه وویل دترهګرو پرضد له وسلو دکار اخیستلو پرځاې باید د ترهګرۍ په علتونو غور وشی .

دپاکستان دپیپلز ګوند دغه مشر مولا بخش چانډیو وویل زه دکورنیو چارو دوزیر چوهدری نثار علی خان د غریدا هیڅ پروا نه کوم او هغه هیڅ نه کوی او بیا دخپلو بریالیتوبونو په هکله  ناڅا او ګډا  هم کوی .

هغه وویل دپاکستان دکورنیو چارو وزیر چوهدری نثار علی خان سیهون شریف سیمې ته په تلو سره  د لعل شهباز قلندر زیارت ته ونه رغی او په بم چاودنې کښې د وژل شویو کسانو د کورنیو لپاره یې هم د مرستو هیڅ خبره ونکړه چې دغه چاره دهغه ناکامۍ او بزدلۍ ثابتوی .

هغه وویل دپاکستان وفاقی وزیران دترهګرو ملاتړ کوی او زیاته یې کړه زه  د صوبې نه بلکې د پاکستان سیاست کوم .

چانډیو وویل زه دپاکستان دلومړی وزیر نوازشریف له مسلم لیګ ګوند سره نه بلکې دهغه له سیاستونو سره اختلاف لرم .

هغه وویل دپاکستان مرکزی حکومت کوچنۍ صوبې نه خوښوی او ددغو صوبو خبرې ته غوږ نه اچوی .