ددنیا ۵۲ فیصده تجارت په ایکو سیمه کښې کیږی .

زمونږ خبریال وایی دپاکستان لومړی وزیر نوازشریف د اقتصادی ملګرتیا موسسې ایکو(Economic Cooperation Organisation) دمشرانو په غونډې کښې دمشر په توګه انتخاب شو .

هغه په اسلام اباد کښې د اقتصادی ملګرتیا موسسې ایکو(ECO) دمشرانو  دیارلسمې(۱۳) غونډې ته په وینا کښې وویل  دغه موسسه پراخه جغرافیا لری او اوس وخت رسیدلی دی چې هم خپل تاریخی رول ولوبو او د اقتصادی ملګرتیا موسسې ایکو دشمال او دجنوب د ارتباط لپاره مهمه سرچینه ده .

دپاکستان لومړی وزیر نوازشریف وویل داقتصادی ملګرتیا موسسې غړی هیوادونه له ډیرو سرچینو او صلاحیتونو ډک دی او ددنیا دوه پنځوس(۵۲)  فیصده تجارت د اقتصادی ملګرتیا موسسې ایکو په سیمه کښې کیږی .

نوازشریف وویل دګډې خوشحالۍ لپاره د اړیکو زیاتول ضروری دی او زیاته یې کړه داقتصادی ملګرتیا موسسې ایکو دغړیو هیوادونو سیمه دتجارتی فعالیتونو مرکز دی او د اوورګاډو پټلۍ، لوې لارې ، دتیلو او ګازو نل لیکې هیوادونه له یوبل سره نږدې کوی .

هغه په دغه غونډې کښې دټولو ګډون کونکو هیوادونو دمشرانو مننه وکړه .

په پاکستان کښې د اقتصادی ملګرتیا په غونډې کښې دایران د ولسمشر حسن روحانی په شمول  دنیا دهیوادونو پینځه() ولسمشران، درې(۱) لومړی وزیران او یو دلومړی وزیر مرستیال ګډون کوی .

دافغانستان  ولسمشر اشرف غنی او خارجه وزیر صلاح الدین ربانی په دغه غونډې کښې ګډون ونکړ بلکې په اسلام اباد کښې دافغانستان سفیر په دغه غونډې کښې ګډون کړی .

په پاکستان کښې دبم چاودنو او د افغانستان په سرحدی سیمو دتوغندوی حملو له کبله ددواړو هیوادونوترمینځ اړیکې خرابې شوی او کابل او افغانستان یو بل له ترهګرو ډلو په ملاتړ تورنوی .

د ویلوده چې دایران اسلامی جمهوریت ، ترکیه ، پاکستان ، افغانستان، ترکمنستان ، قیرغیزستان ، ازبکستان ، قزاقستان ، تاجیکستان او اذربایجان جمهوریت د اقتصادي ملګرتیا موسسې ایکو لس غړي هیوادونه دي .

ایکو موسسه کابو څلورسوه پینځوس میلیونه نفوس او کابو اته میلیونه مربع کلومیټره پراختیا لري او له ډول ډول صنایعو، مختلفو طبیعي سرچینو او ګازو او تیلو څخه برخمن دي .