دپاکستان دسیاسی ګوندونو کانفرنس کیږی .

زمونږ خبریال وایی د پاکستان دپوځی محکمو (Military Courts)د وخت دتمدیدا په اړه دسیاسی ګوندونو ترمینځ د اتحاد د راوستلو لپاره د پیپلز ګوند تر مشرۍ لاندې دټولو سیاسی ګوندونو کانفرنس نن کیږی .

په دغه کانفرنس کښې به دپاکستان په پیپلز ګوند سربیره دمسلم لیګ نوازشریف څانګه او د تحریک انصاف او نور سیاسی ګوندونه ګډون وکړی .

دغه کانفرنس به نن د پاکستان په وخت  دورځې یولس بجې په اسلام اباد کښې په زرداری هاوس کښې ترسره شی .

دکانفرنس کوربه توب به دپاکستان پخوانی و لسمشر اصف علی زرداری او دهغه زوی بلاول بوټو زرداری وکړی .

په دغه کانفرنس کښې د جمعیت علمای اسلام مشر مولانا فضل الرحمان ، دعوامی نیشنل پارټۍ مشر اسفند یار ولی ، دمسلم لیګ دق څانګې مشر چوهدری شجاعت حسین ، د بی این پی عوامی ګوند مشر اسرار الله ظهری ، دجمهوری وطن ګوند مشر افتاب شیرپاو او دغه راز دعوامی تحریک ، مجلس وحدت مسلمین او د متحده قومی موومنټ مشران هم ګډون کوی  .

ویل کیږی چې د پوځی محکمو د وخت دتمدیدا په باره کښې دپاکستان  ټول سیاسی ګوندونه سره موافق دی خو هڅه  به وشی چې له لومړی وزیر نوازشریف څخه دغه تضمین واخیستل شی چې د پوځی محکمو د مودې له ختمیدا مخکې په محکموکښې پاخه اصلاحات ترسره شی چې دوباره دپوځی محکمو ضرورت پیدا نشی .