د پاکستان د پوځ بودجه کابو لس فیصده زیاتیږي
May 28, 2017 03:17 Asia/Kabul
د پاکستان دفاعي او پوځي بودجه کابو لس فیصده زیاتیږي.
د ایرنا د خبر له مخې د پاکستان د نوي (۲۰۱۷-۲۰۱۸) د مالي کال د بودجې لایحه د دغه هیواد د اقتصاد او د مالیې د چارو د وزیر لخوا ملي پارلیمان ته وړاندې شوه.
د دغې لایحې له مخې د پاکستان د پوځي او دفاعي برخې یعنې د پوځ بودجه د تیر مالي کال په پرتله نهه نیم فیصده زیاتوالی لري.
د پاکستان د نوي مالي کال د بودجې په لایحه کښې د دغه هیواد د حکومت وړاندیزي بودجه کابو څلور زره او اوه نیم سوه میلیارډ روپۍ ده چې کابو ۴۵ میلیارډه ډالر کیږي.
د پاکستان حکومت د نوي مالي کال د بودجې په لایحه کښې څه باندې ۹۲۰ میلیارډ روپۍ (اته میلیارډ او اوه سوه میلیون ډالر) خپلې دفاعي او پوځي برخې ته بیل کړې دي.
د پاکستان مالي کال له جولايۍ میاشتې پیلیږي.
ټیګونه
