اسلام آباد له قطر څخه د ګیس واردات جاري ساتي
پاکستان تیر کال د ۱۵ کالو په موده د څه باندې ۱۶ میلیارډ ډالرو په ارزښت له قطر څخه د ایل، این، جي د واردولو تړون لاسلیک کړی دی.
سره له دې چې د پاکستان حکومت له قطر سره د عربستان د اړیکو د غوڅیدو په هکله تراوسه خپل رسمي دریځ نه دی اعلان کړی خو په دې هکله د پاکستان د تیلو د وزیر څرګندونې چې پاکستان به له قطر څخه د مایع ګیس واردات جاري وساتي، سبب شوې چې د اسلام آباد-دوحه د اړیکو له فضا څخه د شک دوړې پاڅي.
ایرنا خبري آژانس لیکلي دي چې د پاکستان د تیلو وزیر شاهد خاقان عباسي چې هیواد یې له عربستان سره ډیرې نزدې اړیکې لري، د ریاض او دوحې ترمینځ د اړیکو د غوڅیدو په غبرګون کښې وویل: پاکستان به له دغو اختلافاتو ورتیر، د خپلې انرجۍ د تامینولو او د لوډشیډنګ د کمولو لپاره له قطر څخه د مایع ګیس (ایل، این، جي) واردول جاري وساتي.
له قطر سره د عربستان او د دغه هیواد د هم تړونه هیوادونو د اړیکو له غوڅیدو سره په یو وخت، پاکستاني رسنیو د رویټرز په حواله یو خبر کښې وویل چې د دغه هیواد د بهرنیو چارو د وزارت ویاند ویلي، د پاکستان او قطر اړیکې به جاري پاتې شي خو د پاکستان د خارجه وزارت ویاند نفیس ذکریا د ایرنا خبریال ته په مرکه کښې دغه خبر دروغ وباله او ویې ویل: دم ګړۍ په دې لړ کښې د څه ویلو نیت نه لرو او په دې لړ کښې د بیانیې صادرولو ته هیڅ ضرورت نه وینو.
پاکستان تیر کال د ۱۵ کالو په موده د څه باندې ۱۶ میلیارډ ډالرو په ارزښت له قطر څخه د ایل، این، جي د واردولو تړون لاسلیک کړی دی.
