ترهګر دپاکستان او دافغانستان ګډ دښمانان دی .

زمونږ خبریال وایی دپاکستان دپوځ مشر جنرال قمر جاوید باجوا نن په پیښور کښې وویل ټروریسټان د افغانستان او د پاکستان ګډ دښمانان دی او کابل او اسلام اباد باید دترهګرۍ پرضد ګډه ملګرتیا ولری .

هغه افغانستان د پاکستان ګاونډی ، دوست او ورور هیواد وباله او ټینګار یې وکړ دترهګرۍ د له مینځه وړلو لپاره باید جدی اقدامات ترسره شی .

له تیرو څو میاشتو راهسې دافغانستان او دپاکستان اړیکې خړې پړې شوی او دواړه هیوادونه یوبل له ترهګرو ډلو په ملاتړ تورنوی .