دپاکستان په پیښور کښې درې پولیس ووژل شول .

زمونږ خبریال وایی دپاکستان دخیبر پښتونخوا صوبې مرکز پیښور ښار په چمکنی سیمه کښې چې دډیروترهګرو ډلو د فعالیتونو ستر مرکز دی نن له روژه ماتی وروسته په موټرسائیکل درې (۳)سپارو کسانو دپولیسو په ګاډې ډزو سره درې(۳) پولیس ووژل .

وژل شوی پولیس عمر حیات، شاهد او انتخاب عالم نومیږی او دغه راز یو(۱) بل پولیس شیراز ژوبل شوی هم دی .

ویل کیږی  د پیښور پولیسو هم په  موټر سائیکل دریو(۳) سپارو وسله والو کسانو ډزې وکړې او یو(۱) کس یې ترې وواژه خو دوه(۲) نور په تښتې بریالی شول .

دپاکستان په اکثرو سیمو په تیره بیا سرحدی قبایلی  سیمو کښې دخلکو وژل او تښتول یوه(۱) عادی چاره ګرځیدلی ده او ټروریسټان په رڼا ورځ بم چاودنې او حملې کوی او بې ګناه خلک وژنی .