په ذمه واریو سترګو پټولو سره ترهګرو ته ماتی نشو ورکولی .

زمونږخبریال وایی دپاکستان دپوځ مشر جنرال قمر جاوید باجوا په پنډۍ کښې دنیشنل ډیفینس پوهنتون د جنګ کورس(War Course) ګډون کونکو ته په وینا کښې ویلی دی ترهګر هیڅ مذهب او قومیت نلری او په خپلو مسولیتونو سترګو پټولو سره ټروریسټانو ته ماتی نشو ورکولای .

هغه وویل له سترو خطرونو سره دمقابلې لپاره حکومت ته دیوه(۱) سیاست دغوره کولو ضرورت شته .

دپاکستان دپوځ مشر جنرال قمر جاویدباجوا دهیواد خارجی او بهرنیو خطرونو سره دمقابلې لپاره د پوځ هڅو ته په اشارې سره وویل پوځ هر ډول خطر ته دځواب د ویلولپاره  په کامل ډول تیار دی .

هغه وویل هر ډول  خطر جامع قومی غبرګون ته ضرورت لری او دپاکستان پوځ به له نورو حکومتی ادارو سره یوځاې خطر ته پوره ځواب ورکوی .

دپاکستان دپوځ مشر وویل دغه هیواد د ترهګرۍ پرضد جنګ کښې ډیرې قربانیانې ورکړی دی او زیاته یې کړه ټروریسټان هیڅ مذهب او قومیت نلری او د ردالفساد  دعملیاتو په وسیله به ترهګرۍ له مینځه یوړل شی .