پاکستان دامریکا د ملګرتیا په وجه زیات تاوانونه لیدلی
-
دپاکستان په خلکو او چارواکو کښې دامریکا ضد احساسات زیات شوي دي .
ایرنا خبری اژانس وایی دپاکستان د بهرنیو چارو وزیر خواجه اصف ټینګار وکړ اسلام اباد له امریکا سره سره دملګرتیا په خاطر ډیر تاوانونه لیدلی دی .
هغه دامریکا او دپاکستان داړیکو په اړه په خپلو نویوڅرګندونو کښې وویل امریکا باید پاکستان دافغانستان دجنګ د ماتی عامل ونه ګڼی او د اسلام اباد پرضد د بې اساسه تورونو لګول پاې ته ورسوی .
دپاکستان دباندنیو چارو وزیر خواجه اصف دامریکا د ولسمشر ډونالډ ټرمپ هغه څرګندونې چې ویلی یې وویل اسلام اباد د ترهګرو ملاتړ کوی ځورونکی وبللې او ویې ویل د پاکستان دوه لکه (۲۰۰۰۰۰)پوځیان له ترهګرۍ سره په جنګ بوخت دی او زرګونو عسکر په دې لاره کښې وژل شوی هم دی .
دپاکستان خارجه وزیر ادعا وکړه په هیواد کښې نوی(۹۰) فیصده ترهګرې حملې هغه عوامل او عناصر کوی چې په افغانستان کښې شتون لری .
له تیرې اونۍ راهسې چې دامریکا ولسمشر ټرمپ دافغانستان په هکله د واشنګټن دنوی ستراتژۍ داعلانولو په وخت پاکستان په ډاګه له ترهګرۍ په ملاتړ تورن کړ د دواړو هیوادونو په اړیکو تاوتریخوالی زیات شوی او دپاکستان په خلکو او چارواکو کښې دامریکا ضد احساسات زیات شوی دی .
