د میانمار پوځ د جنایتونو په خلاف د پاکستانیانو مظاهری دوام لری
د میانمار یا برما پوځ د جنایتونو په ضد په اعتراض کی، د پاکستان د خلګو مظاهری دوام لری.
زموږ د راډیو د خبریال د راپور په اساس، د پاکستان قهریدلو خلګو د دغه هیواد په ۷۰ ؤ ښارونو کی، د میانمار پوځ د بشری ضد جنایتونو په اعتراض کی مظاهرې وکړې، او د روهینګیایی مسلمانانو د نسل وژنې د غندلو په ضمن کی یی، د میانمار بیرغ ته اور واچاوه.
له بلې خوا؛ د پاکستان مجلس وحدت مسلمین، د دغه هیواد د شیعه عالمانو شورا، او د هند تر کنټرول لاندی کشمیر د حریت کنفرانس هم اعلان وکړ؛ چی سبا د جمعې له لمانځه وروسته، د روهینګیایی مسلمانانو د وژلی په اعتراض کی مظاهری کوی.
همداراز سبا به د جمعې لمانځه له ادا کیدو وروسته؛ د ایران په شمول په زیاترو مسلمانو هیوادونو کی د روهینګیایی مظلومو مسلمانانو په خلاف د میانمار د پوځ او افراط پالو بودائیانو د جنایتونو په اعتراض کی پراخی مظاهری او لاریونونه ترسره شی.