دپاکستان په باجوړ کښې بم چاودنې ۵ کسان وژلی

زمونږخبریال وایی دپاکستان په باجوړ قبایلی سیمه کښې چې دډیرو ترهګرو ډلو د فعالیتونو ستر مرکز دی پرون دسړک غاړې ته په بم چاودنې کښې د یوه(۱) ځایی تحصیلدار فواد علی په شمول پینځه(۵) کسان چې څلور(۴) پکښې د ځایی لیوی پولیسو غړی دی ووژل شول .

دغه بم چاودنه د باجوړ قبایلی سیمې دمرکز خار په پینځویشت (۲۵)کلومیټرۍ کښې په ماموند سیمه کښې هغه وخت وشوه کله چې ځایی پولیسو ګزمه کوله .

تراوسه کومې ډلې ددغه بم چاودنې ذمه واری نه ده پرغاړه اخیستی خو له تیرو څو کلونو راهسې طالبانو ترهګرې ډلې په دغه سیمه کښې ډیرې حملې او بم چاودنې کړی او بې ګناه خلک یې وژلی دی .