د اختلافاتو په هوارۍ د افغانستان او پاکستان ټینګار
د پاکستان او افغانستان د بهرنیو چارو وزیرانو مرستیالانو، د دؤو هیوادونو د اختلافاتو په هوارۍ ټینګار وکړ.
زموږ د خبریال د راپور په اساس، د پاکستان د خارجه وزیر مرستیالی، میرمن«تهمینه جنجوعه» پرون دوشنبه، په نیویارک کی د ملګرو ملتو د عمومی اسامبلې د غونډې ترڅنګ؛ د افغانستان د خارجه وزیر د مرستیال«حکمت خلیل کرزی» سره په کتنه کی وویل: د افغانستان د مسئلې هوارۍ؛ د خبرو اترو له لارې امکان لری، او پدی هیواد کی د امنیت برابرول هم، په ټوله سیمه اغیز شیندونکی دی.
تهمینه جنجوعه زیاته کړه؛ پاکستان له افغانستان سره د اړیکو د پراختیا لپاره هڅه کوی.
پاکستان او افغانستان تل، په یو او بل باندی له ټروریزم څخه د ملاتړ کولو تور لګوی، او د ډیورنډ د فرضی کرښې په سر اختلاف هم، د دؤو هیوادونو ترمنځ د جدی مشکلاتو د را پیدا کیدو سبب شوئ دئ.
افغانستان؛ د ډیورنډ فرضی کرښه نه قبلوی، او د دغې کرښې بلې غاړې ته د پاکستانی ځواکونو د شاته تګ غوښتونکئ دئ.