تفتان سرحدکښې حسینی زیارتوال همهغه شان له ګڼوستونزوسره مخ دي
په تفتان کښې ایران ته تلونکو زیارتوالو ته د اسانتیاؤ د برابرولو په هکله د پاکستان د حکومت هیڅ کومه ژمنه نه ده پوره شوې او زیارتوال لاهم سخت کړیږي.
د پاکستان د مجلس وحدت مسلمین غورځنګ یو مشر او تکړه ټولنیز فعال شبیر ساجدي وویل چې د زیارتونو لپاره ایران او عراق ته تلونکي مسافر په تفتان سرحد کښې د ایمیګریشن او استوګنې له سختو ستونزو سره لاس او ګریوان دي. هغه وویل چې د ایمیګریشن لپاره د لس ګونو کاؤنټرونو د جوړولو لپاره د حکومت وعده تراوسه نه ده پوره شوې او زیارتوال د اوسیدو لپاره هم ځاې نه لري او دغه شان په میدان پاتې دي. د صحي اسانتیاؤ د نشتوالي په وجه ډیر زیارتوال په مختلفو ناروغیو اخته شوي او د یو زوړ سړي او دوو ماشومانو په شمول تراوسه دریو زیارتوال سرونه بایللي دي.
شبیر ساجدي وویل چې د تحریک انصاف حکومت په تیره بیا د کورنیو چارو وزارت دې په تفتان کښې د ګیرو زیارتوالو پوښتنه وکړي ګني نو په هیواد کښې د زیارتوالو کورنۍ او خپل خپلوان به سړکونو ته په راوتلو مجبور شي.
هغه همداشان زیاته کړه: مونږ د پاکستان له وزیراعظم، قاضي القضات او د پوځ له مشر څخه په دې لړ کښې د مرستې او د مسئولو افسرانو خلاف د ایکشن غوښتنه کوو.
