د پاکستان ولسمشر په ځینو مشرانو نیوکه وکړه

زمونږ خبریال وایی د پاکستان ولسمشر عارف علوی د مسلمانانو پرضد د ځینو هیوادونو دمشرانو په تفرقه رامینځته کونکو څرګندونو نیوکه وکړه .

هغه وویل د ځینو هیوادونو مشران دمسلمانانو پرضد په خپلو غلیمانه څرګندونو سره دسیمې سولې او ثبات ته تاوان رسوی .

دپاکستان ولسمشر عارف علوی وویل د ځینو هیوادونو چارواکی باید د مسلمانانو پرضد په خپلو نفرت رامینځته څرګندونو کښې بیا کتنه وکړی ځکه چې نړیواله سوله به د مسلمانانو او د  دوې ترمینځ په جنګ رامینځته کولو سره لاس ته رانشی .

د پاکستان ولسمشر په کراچۍ ښار کښې د نیوزی لینډ د ترهګرې حملې د یوه(۱) وژل شوی کس له کورنۍ سره له کتنې وروسته له رسنیو سره په مرکه کښې وویل  دغو خونړیو حملو د پاکستان ملت غمجن کړی دی .

هغه وویل د نیوزی لینډ په کریسټ چرچ ښار کښې په دوو (۲) جوماتو دتیرې جمعې ورځې ترهګرې حملې له اسلام سره د مبارزې د هغه فضا نتیجه ده چې په نړۍ کښې ځینو سیاسی او حکومتی شخصیتونو رامینځته کړی ده