په خیبر پښتونخوا کښې یو صوبایی وزیر وژل شوی دی

د پاکستان په شمال لویدیځ کښې د خیبرپښتونخوا د دینی اقلیتونو د چارو وزیر د وسله والو کسانو په ډزو ووژل شو.

فرانسې خبری آژانس خبر ورکړی چې پاکستانی چارواکو ویلی سردار سورن سنګ پرون په د خیبر پښتونخوا صوبې په بونیر سیمه کښې کله چې پخپل ګاډی کښې روان و په موټر سایکل د سپرو وسله والو کسانو لخوا پرې ډزې وشوې او په ځاې ووژل شو.

د پاکستان دغه صوبایی وزیر چې سک مذهبه و د خیبرپښتونخوا په صوبایی اسمبلۍ کښې د دینی اقلیتونو یو نماینده و.

د پاکستان طالبانو ډلې د دې برید پړه منلې ده.