ګوادر بندر د افغانستان د تاجرانو لپاره خلاص شو

زمونږ خبریال وايي د پاکستان حکومت د افغانستان د تاجرانو پرمخ د ګوادر بند د بیرته پرانیستلو خبر ورکړ .

د پاکستان د لومړي وزیر د تجارت د چارو سلاکار عبدالرزاق داوود نن وویل د افغانستان ټرانزیټي تجارت د پاکستان د بلوچستان صوبې د ګوادر بندر له لارې پیل شوی دی .

هغه دې ته په اشارې سره چې حاضردمه د افغانستان د تاجرانو څه د پاسه شپږزره (۶۰۰۰) کانټیرونه د پاکستان په ګوادر بندر کښې دي او د هغوې د خالي کیدا بهیر پیل شوی دی د پاکستان دغه اقدام د افغانستان او د پاکستان د ټرانزیټي تجارت د ۲۰۱۰ میلادي کال د موافقې پراساس او د خوراکي موادو له کمښت سره د مقابلې لپاره له ګاونډي هیواد افغانستان سره د مرستې په هدف سره ترسره کړی دی  .