پاکستان کښې د کرونا د ناروغانو او مړو شمیر لازیات شوی دی
په پاکستان کښې په کرونا وایرس د ککړو کسانو او هم داشان له امله یې د مړو شمیر لا په زیاتیدو دی.
په پاکستان کښې په کرونا وایرس د ککړو کسانو او هم داشان له امله یې د مړو شمیر لا په زیاتیدو دی.
د پاکستان روغتیا وزارت نن وویل چې په تیر شواروز کښې په هیواد کښې ۵ زره، ۳ سوه او ۹۵ د کرونا نوي ناروغان پیژندل شوي دي او ورسره پس له یوې هفتې په پاکستان کښې د دې ناروغۍ د دریمې څپې ورځني مریضان له پنځو زرو زیات شول.
په پاکستان کښې په کرونا د ککړو کسانو ټول شمیر له ۷ لکه او ۳۸ زرو تنو اوښتې دی.
د دغه رپورټ له مخې په تیرو ۲۴ ساعتونو کښې ۱۱۸ کسان د کرونا له امله مړه شوي دي او ورسره د دغې ناروغۍ له امله د مړو ټول شمیر ۱۵ زره، ۸ سوه ۷۲ کسانو ته ورسید.
په پاکستان کښې تراوسه ۳.۱ میلیون (۳۱ لاکه) کسانو ته د کرونا واکسن لګیدلي دي چې زیاترو ته په کښې د وړومبي ډوز په توګه د چین جوړ (سینو فارم) واکسن لګول شوي دي.
