د افغانستان په لسو ولایتونو کښې د انجلیو ښوونځي خلاص دي
تسنیم خبري اژانس وايي د طالبانو د موقته حکومت د خارجه وزارت ویاند عبدالقهار بلخي د افغانستان په لسو ولایتونو کښې په ټولو برخو کښې د انجلیو د ښوونځیو د بیرته پرانیستل کیدا خبر ورکړ.
هغه د افغانستان د انجلیو د زده کړې په هکله وویل د هیواد له څلوردیرشو ولایتونو څخه په کابو لسو ولایتونو کښې متوسطه حکومتي ښوونځي په ټولو برخو کښې خلاص دي .
بلخي زیاته کړه چې په ټول افغانستان کښې د انجلیو خصوصي ښوونځي له لومړي ټولګي رانیولي د پوهنتون تر سویې پورې خلاص دي .
د افغانستان د طالبانو د خارجه وزارت ویاند عبدالقهار بلخي په حکومتي څوکیو کښې د ښځو د شتون په هکله وویل د حکومت اکثره ښځینه کارکونکي یعني کابو یولک شل زره کسان د پخواني حکومت له نسکوریدا وروسته اوس خپلو کارونو ته بیرته ورستنې شوي دي .
هغه په دې خبرې سره چې ښځې د تجارت ، د بانک ، د لباس او د دوکانونو په شان د افغانستان په ټولو خصوصي برخو کښې کار کوي وویل په ښارونو کښې د ښځو د تګ راتګ لپاره هیڅ ډول محدودیت نشته .
طالبانو ډلې په تیر میلادي کال کښې واک ته رسیدا وروسته د اصلاحاتو د ترسره کولو په هدف سره د انجلیو ښوونځي بند کړي دي .
