د امریکا پوځیان باید له عراق څخه ووځي
زمونږ خبریال راپور راکړی د عراق په پارلمان کښې د بصرې ولایت د خلکو استازي فالح الخزعلي د امریکا د پوځیانو د ایستلو پرضرورت ټینګار وکړ.
هغه له عراق څخه د امریکا د ټولو پوځیانو د ایستلو پرضرورت ټینګار وکړ او ویې ویل امریکا له ترهګرۍ سره د عراق د خلکو د مبارزې په پیل کښې داعش ترهګرې ډلې ته وسلې او مهمات ورکول.
الخز علي په دې خبرې سره چې د عراق د ستر مذهبي مشر ایت الله علي سیستاني تاریخي فتوا ماتي په بریالیتوب بدله کړه وویل په سپیڅلي فتوا او د ایران د اسلامي انقلاب د سپاه پاسداران د قدس ځواک د قومندان ډګر جنرال شهید قاسم سلیماني او د عراق د حشد الشعبي ولسي ځواک د پخواني مرستیال ابو مهدي المهندس په شتون سره د عراق د ویشل کیدا مخه ونیول شوه.
امریکا تراوسه په عراق کښې په غیر قانوني ډول دیره ده او د دغه هیواد خلک د واشنګټن د ټولو جنایتګرو او ترهګرو پوځیانو د ایستلو غوښتنه کوي.
په عراق کښې د داعش ډلې له ماتي خوړلو وروسته د هیواد ټولو خلکو او حکومت له خپل هیواده د امریکا د ټروریسټي پوځيانو د وتلو غوښتنه کړي ده.
