حزب الله د فلسطین د مقاومت پایدارۍ پیاوړي کړه
زمونږ خبریال راپور راکړی د یمن د انصار الله غورځنګ ویاند محمد عبدالسلام وویل: د لبنان حزب الله په غزې تړانګې کښې د دښمن د یواړخیزه کړچار مخه ونیوله او د فلسطین د مقاومت پایدارۍ یې پیاوړي کړه.
هغه بیګا په دې خبرې سره چې د لبنان حزب الله غورځنګ د فلسطین په غزې تړانګه کښې د مقاومت د ځواکونو لومړنی ملاتړی دی وویل :د لبنان اسلامي مقاومت غورځنګ حزب الله د فلسطین له مقاومت څخه د ملاتړ په عملیاتو کښې سترې سرشیندنې کوي.
د محمد عبدالسلام دغه څرګندونې په داسې حال کښې دي چې رسنیو بیګا د نیواکي فلسطین په شمال کښې د صهیونیسټ رژيم د پوځ په اډې باندې د لبنان د حزب الله د توغندي حملې او هلته د اور د لګیدا خبر ورکړ.
د لبنان حزب الله د صهیونیسټ رژیم د پوځ په مرکزونو باندې په خپلې نوي حملې کښې د نیواکي فلسطین په شمال کښې د الراهب په پوځي اډې باندې برید وکړ.
له دې حملې وروسته رسنیو یوشمیر تصویرونه خپاره شول چې ښيي له حملې وروسته الراهب اډې اور اخیستی او هغه د لبنان د حزب الله د توغندي حملې له کبله په اور کښې سوځي.
