الحوثي: امریکا دې د یمن د ولس له ګواښلو ډډه وکړي
د یمن د عالي سیاسي شورا غړي محمد علي الحوثي تیره شپه وویل: که امریکا غواړي چې له دې ډیره تاواني نه شي نو د یمن د ولس له ګواښلو دې ډډه وکړي.
د ایرنا د خبر له مخې، الحوثي وویل: که امریکا په سرې بحیرې کښې خپلو کشتیو ته د تاوان نه رسیدو او د خپل حیثیت د ساتلو غوښتل غواړي نو باید صهیونیسټي رژيم د پوځي تیري بندولو او د غزې د تړانګې د کلابندۍ بشپړې ختمونې ته مجبور کړي.
هغه په دې بیان سره چې د یمن وسله وال ځواکونه له غزې څخه ملاتړ ته پوره تیار دي، د امریکې او صهیونیسټي رژیم په خبردارولو سره، په غزې باندې د بریدونو د نه بندیدو په بڼه کښې د ائتلاف په کشتیو د بریدونو د دوام خبره وکړه.
همداشان د یمن د عالي سیاسي شورا جګ پوړي غړي «محمد البخیتي» هم وویل چې د یمن ولس او وسله وال ځواکونه په سره سمندر کښې د امریکايي ائتلاف د ځواکونو له راغونډیدو او د هغوي له توغندیو هیڅ ویره نه لري او د غزې د مقتدرو خلکو له مقاومت او د فلسطیني مقاومت له ډلو په ملاتړ کښې ثابت قدمه دي.
د انصار ا... دغه چارواکي همداشان د امریکايي کشتۍ په خوا کښې دی انګلستان په یوې جنګي کشتۍ د نیغ په نیغه حملې خبر ورکړ.
هغه ټینګار وکړ چې د صهیونیسټي رژیم خلاف دغه پوځي عملیات به، په غزې باندې د تیري تر بندیدو پورې جاري وي.
البخیتي په پاې کښې تاکید وکړ: زمونږ ارمان، له امریکایانو سره نیغ په نیغه جګړه ده.
د انګلستان د یوې جنګي کشتۍ هدف ګرځیدو ته د البخیتي اشاره په داسې حال کښې ده چې د «سنټکام» په نامه د امریکې د پوځ د مرکزي قومندانۍ ترهګره سازمان تیره شپه، په سور سمندر کښې په یوې بلې کشتۍ باندې هم د یمن د پوځ توغندوي حمله تایید کړه.
سنټکام ویلي چې د دغې حملې له امله په کشتۍ کښې ستر اور ولګید چې د امریکې، فرانسې او هندوستان د سمندري ځواکونو په مرسته مړ کړی شو.
