د سوریې په سویل کښې چاودنې شپږ تنه زخمي کړل

د سوریې د رسنیو د راپورونو له مخې، تېر ماښام د سوریې په جنوب کې د درعا په ښار کې یوې زورورې چاودنې لږ تر لږه شپږ کسان ټپیان کړل.

د سوریې د رسنیو د راپورونو له مخې، تېر ماښام د سوریې په جنوب کې د درعا په ښار کې یوې زورورې چاودنې لږ تر لږه شپږ کسان ټپیان کړل.

د دغې پېښې په ټپيانو کې يوه ښځه او يو ماشوم هم شامل دي.

تر اوسه څرګنده نه ده چې د دې چاودنې لامل او موخه څه وه.

په همدې حال کې د پنجشنبې په ماښام د سوریې د کورنیو چارو وزارت په همدې ښار کې د نامعلومو وسله والو په ډزو کې د دغه هیواد د دریو امنیتي ځواکونو د وژل کیدو یادونه وکړه.

درعا د سوریې په جنوب کې پروته سیمه ده، چې له اردن او نیواکي فلسطین سره ګډه پوله لري او له څو کلنو جګړو وروسته بېرته د دغه هېواد پوځ ته وسپارل شوه.