دامریکا موخه داسلامی هیوادونو ویشل دي .
دروسیې سترمفتي احمد بدرالدین حسون له مهر خبری آژانس سره په خبرو کې په سیمې کې دامریکا سپیرو نقشو ته په اشارې سره ټينګار کړی ، افراطیان اوترهه ګر دامریکا او دهغې دمتحدانوله خوا پیاوړي کیږي څو دمسلمانانو ،یهودیانو او مسحیانو ترمینځ اړیکې سره خرابې کړي ، دهماغو پيښو په شان چې دتیونس ،مصر اولیبیا له آزادۍ وروسته رامینځة شوې .
هغه زیاته کړې ، دافراطي ډلو راپنځول اوپیاوړي کول ئې چې له اسلامی تعلیماتو ئې هیڅ نه دي زده کړي ، دمسیحیانو تباه کول اودکنیسه ګانو په سوزولو کې ئې دلودیځوالو دحکمونو د اجرا کولو لپاره ئې دغه ټوله کارونه کړي دي څو اسلام هم دسیمې په هیوادون کې او هم دنړۍ په نورو سیمو کې یو ځيړ او تاؤتریخجن دین معرفي کړي .
دسورئې ستر مفتي دسورئې له حکومت سره دلویدیځوالو ژورې کینې په باب هم روښانه کړې ، د دغې کینې دلیل دا دی چې دسورئې ولسمشر بشار اسد د امریکا دګواښونو او وسوسه راپارونکو ژمنو پيټی نه دی وړی او داپه داسې حال کې دي چې دسورئې حکومت ورځ تر بلې د دغه هیواد دخلکو درضایَت په ترلاسه کولو کې بریالی دی . هغه ددې خبرې په کولو سره چې نن سبا تکفیری ترهه ګر په ترکیې کې په روزنو بوخت دي ،وویل ، د دغه بهیر دامریکا له خوا ملاتړ کیږي او هغوي حتی دوي دچین او روسیې لپاره دتکفیری ترهه ګرۍ درامینځةکیدا په باب دغه شان نقشې وړاندې کړي دي .
