ترکیې بیاهم په عراق هوايي بریدونه وکړل

د ترکیې د پوځ جنګي الوتکو د عراق د شمال ځینې سیمې بمباري کړې.

د ایرنا د خبر له مخې د ترکیې د پوځ جنګي الوتکو پرون د عراق د شمال د دهوک ولایت ځینې سیمې بمباري کړې چې د احتمالي مرګ ژوبلې په اړه یې لا جوت معلومات نه دي ترلاسه شوي.

البته ځینې خبري سرچینې په دغو بریدونو کښې د یوشمیر عراقي وګړو د زخمي کیدو خبر ورکوي.

د ترکیې پوځ بیا ادعا کوي چې د دغه هیواد جنګي الوتکو د عراق په شمال کښې د ترکیې د کردستان د کارګرانو د ګوند (پي، کی، کی) سنګرونه په نښه کړي دي.