په مکه کښې د هندي حاجیانو په هوټل کښې اور لګیدلی
د ابراهیمي حج په مراسمو کښې د حاجیانو د عزت، کرامت او امنیت په برابرولو کښې د آل سعود د بې کفایتۍ له امله په مکه مکرمه کښې د هندي حاجیانو د استوګنې په یوې ځانګړې ودانۍ کښې اور ولګیده.
فارس خبري آژانس لیکلي چې د عربستان د ښاري امداد ادارې وویل: نن سهار یې د مکې مکرمې په العزیزیه سیمه کښې د هندي حاجیانو د پاتې کیدو په ځاې کښې لګیدلی اور مړ کړ.
د دغې ادارې ویاند نایف الشریف د یادې اوه پوړیزې ودانۍ په اوم چت کښې د اور لګیدونې د علت د معلومولو لپاره د تحقیقاتو دوام ته په اشارې سره وویل چې د سختو لوګو په وجه له دغې ودانۍ څخه ۳۹۱ کسان ویستل شوي دي.
په ۲۰۱۵ کال کښې هم د حج په مراسمو کښې په مسجدالحرام کښې د کرین د لویدو په پيښه کښې ۱۰۹ بهرني حاجیان وژل شوي او کابو ۴۰۰ زخمي شوي وو.
همداشان د همدغه کال په حج کښې د آل سعود کورنۍ د بې کفایتۍ په وجه د منا غمیزه رامینځته شوه چې د خدای د کور زرګونه زیارتوال پکښې مړه شول. خو آل سعود د دغه جنایت په وجه د وژل شویو حاجیانو له اړوندو هیوادونو حتی بخښنه هم ونه غوښتله.
