د سوریې په څو فوځی اډو د صهیونېسټانو هوائی حملې
صهیونېسټ رژیم یو ځل بیا د سوریې په څو فوځی اډو حملې وکړې د مهر خبری اژانس د رپوټ له مخې صهیونېسټ رژیم نن اعلان وکړو چې د سوریې د فوځ په دریو اډو یې هوائی حملې وکړې.چې د زیانونو په اړه یې لا څه رپوټ نه دے خپور شوے.
په دې وروستیو کلونو کښې او د سوریې د بحران له شروع کېدو وروسته صهیونېسټ رژیم له ترهه ګرو څخه د ملاتړ په خاطر د سوریې په مختلفو سیمو کښې د دغه هېواد د فوځ په سنګرونو هوائی حملې کړی دی.
صهیونېسټ رژیم غواړی د سوریې په خلاف د خپلو فوځی تحرکاتو په زیاتولو سره د دغه هېواد په سټراټیجکو مراکزو کښې د ترهه ګرو د فعالیتونو د دوام لپاره فضاء برابره کړی.
د سوریې چارواکی وائی چې هرکله د دغه هېواد ځواکونه په پوله ایزو سیمو کښې د ترهه ګرو او تکفیری ډلو په وړاندې د کامیابۍ په حال کښې وی صهیونېسټی ځواکونه د سوریې له خاورې څخه د هاون د توغېدو په بهانه د سوریې د فوځ په سنګرونو حملې کوی.
