دسورئې پوځ البوکمال ښار په بشپړ ډول له داعشیانو پاک کړ
د البوکمال ښار په آزادولو سره د سورئې پوځ او دمتحدانو ئې مهمه کامیابی ترلاسه کړې ده او بریالی شوی په سورئې کې داعشیان له خپل وروستی مرکزه هم وشړی .
زمونږخبریال راپورراکړ دسورئې پوځ او مقاومتی ځواک دګډو عملیاتو کوټې په همداوروستیو کې وئیلی دی ، نن ئې د داعش تکفیری ترهه ګرې ډلې له سپیرو منګولو البو کمال ښار په بشپړ ډول آزاد کړی او دم ګړۍ په دغه ښار کې د داعشیانو په لاس دکیښودل شویو ماینونواوبمونو په پاکولو لګیادی .
له دې مخکې اعلان شوی ؤ چې دسورئې پوځ او متحدانو ئې په دیرالزور ولایت کې د البوکمال ښار اتیافی صدی برخه نیولې ده .
له دې مخکې هم د سورئې پوځ او متحدانو ئې البوکمال ښار د داعشی تکفیریانو له منګولو آزاد کړی ؤ ، خو داعشی جنایتکارو د امریکا پشمول دخپلو ملاتړو په پشتیبانۍ سره بیرته پر البوکمال سلطه موندلې وه .
د البوکمال ښار په آزادولو سره د سورئې پوځ او دمتحدانو ئې مهمه کامیابی ترلاسه کړې ده او بریالی شوی په سورئې کې داعشیان له خپل وروستی مرکزه هم وشړی . په دیرالزور ولایت کې واقع البوکمال سرحدی ښار یو لک شل زره نفوس لری چې کابو درې کاله مخکې داعشی تکفیریانو نیولی ؤ .
داپه داسې حال کې د ی چې په نړیوالو چارو کې دایران داسلامی شورا دمشر ځانګړی سلاکار حسین امیر عبداللهیان دسورئې په دیرالزور کې له عراق سره دسرحدی ښار البوکمال آزادول او په سیمې کې د داعش تکفیری ترهه ګرې ډ لې دمقاومت دړې وړې کولو په باب دسورئې ولسشمر ، پوځ ، ولس او مقاومتی ځواک ته په مبارکی ورکولو سره دحرم دمدافعو شهیدانو د یاد درنښت وکړ .
