قطر او بریطانیا اته میلیارډ ډالریزه پوځي موافقه لاسلیک کړه
Dec 11, 2017 04:13 Asia/Kabul
قطر تیره اونۍ هم له فرانسې سره د میلیارډونو ډالرو په ارزښت د پوځي موافقې په لاسلیکولو سره ۱۲ داسو نومې جنګي الوتکې اخیستې وې.
پریس ټي وي خبر ورکړی چې د دغه تړون له مخې چې پرون د قطر د دفاع وزیر خالد بن محمد العطیه او د هغه د بریطانوي همرتبه ګاوین ویلیامسن لخوا په دوحه کښې لاسلیک شو، قطر له انګلستانه ۲۴ ټایفون جنګي الوتکې واخیستلې.
قطر د روانې دسمبر میاشتې په اومه نیټه هم له فرانسې سره د میلیارډونو ډالرو په ارزښت د پوځي موافقې په لاسلیکولو سره ۱۲ داسو نومې جنګي الوتکې اخیستې وې.
له بریتانیا څخه د وسلو د پيرلو لپاره د دوحې اقدام چې په تیره یوه اونۍ کښې د قطر دویم پوځي تړون دی، په داسې حال کښې دی چې له عربستان، اماراتو، بحرین او مصر سره د دغه هیواد اړیکې سختې کړکیچنې روانې دي.
ټیګونه
