په یمن د سعودي تیري ګرو حملې روانې دي
د یمن په پلازمنیه صنعا او په لویدیځ کې په الحدیده ولایتونو د سعودي تیري ګرو جنګي الوتکو په حملو کې پینځه ملکي کسان ووژل شول.
زمونږ د خبریال د راپور له مخې یوې ځایی سرچینې نن وویل: د سعودي الوتکو لخوا د الحدیده ولایت په بیت القیه ښار کې ابجاج ساحل ته نزدې په یو ټرک د حملې له امله درې ملکي کسان ووژل شول.
دغه سرچینه زیاتوي سعودي جنګي الوتکو همداراز دوه ځله د الحدیده هوایی ډګر او دوه ځله د دغه ښار په الحالي سیمه کې د خوړو ګودامونه بمباري کړل چې له امله یې ډير تاوانونه واوښتل.
په عین حال کې د صنعا ولایت د سنحان ښار په ګڼه ګوڼه سیمه الوحده کې په یو کور او په دغه ولایت کې د ارحب سیمې د قبیلې په کسانو چې د تیري ګرو په خلاف یې غونډه کړې وه ، د سعودي رژیم د الوتکو له خوا هوایي بمباري وشوه چې له امله یې دوه ملکي کسان مړه او یو شمیر ژوبل شول.
پوځي سرچینو ټینګار وکړ چې په الجوف ، صعده، مارب عمران او حجه ولایتونو کې په مختلفو سیمو او په الربوعه ښار څو څو ځله د سعودي تیر ګر رژیم د الوتکو بریدونه شوې دي.
عربستان د امریکا اماراتو او څو نورو هیوادونو په مرسته له ۲۰۱۵ کاله په یمن حملې او د دغه هیواد هوایی، ځمکنۍ او سمندري کلابندي پیل کړې ده .
په یمن کې د عربستان او امریکا په جنګو غوښتنو کې تر اوسه په زرګونو کسان مړه او په لسګونو زره ژوبل او په لکونو کډوال شوې دي.
