دعراق ولسی ځواک د امریکا اقدام ته ځواب ورکوی
-
دعراق ځواکونه هیڅکله امریکا ته په سیمه کښې دشتون اجازه نه ورکوي .
زمونږ خبریال وایی د عراق د ولسی بسیج ځواک ویاند «احمد الاسدی» د سوریې سرحد ته نږدې دامریکا په هوایی بمباریو کښې د وژل شویو کسانو د درنښت په دستورو کښې وویل دعراق د ولسی بسیج ځواک او د حزب الله د غونډونو پرضد دجنایتکارانو اقدام ته ځواب ورکول کیږی .
دامریکا یوې (۱)جنګی الوتکې د جون دمیاشتې په اولسمه (۱۷)نیټه دسوریې سرحد ته نږدې دعراق د ولسی بسیج ځواک الحشد الشعبی د ځواکونو په مرکز په قصدی ډول برید وکړ چې له کبله یې دوه ویشت (۲۲)کسان ووژل شوی او دولس(۱۲) نور ژوبل شوی وو .
د عراق د حزب الله غونډونو پوځی ویاند جعفر السحینی هم ټینګار وکړ دغه وژله له صهیونیسټ رژیم سره د جنګ پیلیدل دی او دعراق ځواکونه هیڅکله امریکا ته په سیمه کښې دشتون اجازه نه ورکوی .
د عراق د حزب الله غونډونو مخکې هم ویلی وو امریکا او صهیونیسټ رژیم په داسې حال کښې په سیمه کښې له داعش ترهګرې ډلې سره د مبارزې ادعا کوی چې دغو دوو(۲) هیوادونو په ځلونو دترهګرو ملاتړ کړی دی .
دعراق د ولسمشر مرستیال نوری مالکی هم وویل د امریکا او د رسنیو د ادعا په اپوټه دامریکا جنګی الوتکو دعراق په خاوره کښې په ولسی بسیج ځواکونو برید کړی .
دعراق د بهرنیو چارو وزارت هم دسوریې سرحد ته نږدې دعراق په ولسی بسیج ځواک حمله غندلی او هغه یې د داعش ترهګرې ډلې ملاتړ بللی دی .
