دامریکا اقدام اسلامی نړۍ ته سپکاوی دی
-
ایران د لبنان د غوړیدا او دثبات دټینګیدا لپاره د حزب الله په څنګ کښې ولاړ دی .
فارس خبری اژانس وایی د لبنان دحزب الله مشر حسن نصر الله د صهیونیسټ رژیم تر واکمنۍ لاندې د ټاټوبی په توګه د جولان سیمې په رسمیت پیژندلو کښې د امریکا د ولسمشر ټرمپ اقدام داسلامی نړۍ او د عربی نړۍ دهیوادونو سپکاوی وباله .
هغه پرون د نیواکی جولان سیمې پرضد د امریکا د ولسمشر ډونالډ ټرمپ د غلیمانه اقدام په هکله وویل دجولان پرضد د واشنګټن دغه اقدام په لویدیځې اسیا (مینځنی ختیځ)کښې د سولې بهیر ته سخت ګوزار ورکړ .
د لبنان دحزب الله مشر حسن نصر الله وویل په تیونس کښې د عربو هیوادونو دمشرانو په راتلونکی غونډې کښې ګډون کونکی باید د عربو د سولې پلان بیرته واخلی او هغه صفر ته ورسوی .
هغه لبنان ته د امریکا د خارجه وزیر مایک پمپئو سفر ته په اشارې سره وویل پمپئو بیروت ته په سفر کښې د لبنان له واقعیتونو سره هیڅ سمون خوړونکی وینا ونکړه او یوازې یې دایران او د حزب الله پرضد چټی دروغ ویل .
حسن نصر الله په دې خبرې ټینګار سره چې حزب الله په تیرو څلوردیرشو (۳۴) کلونو کښې د لبنان دملت دفاع کړی ده وویل امریکا غواړی د اسرائیلو رژیم نیواکګرۍ تثبیت کړی او د لبنان ملت په خطر کښې واچوی .
د لبنان دحزب الله مشر حسن نصر الله ټینګار وکړ ایران د لبنان د غوړیدا او دثبات دټینګیدا لپاره د حزب الله په څنګ کښې ولاړ دی .
