د صهیونیسټ رژیم لومړی وزیر د مصونیت غوښتنه وکړه

ایرنا خبری اژانس وایی د صهیونیسټ رژیم لومړی وزیر بنیامین نتانیاهو چې په مالی فساد تورن شوی دی پرون وویل له پارلمان څخه به وغواړی چې زما لپاره قضایی خوندیتوب صادر کړی .

هغه وویل زه به دصهیونیسټ رژیم له پارلمان کنیسټ څخه وغواړم چې د پارلمان د پړاو  تر ختمیدا او په کب میاشت کښې د نویو انتخاباتو تر ترسره کیدا پورې  زما لپاره قضایی مصونیت صادر کړی .

په  یوه (۱) کال کښې د صهیونیسټ رژیم د پارلمان دریم (۳) انتخابات به د روان میلادی کال د مارچ د  میاشتې په دوهمه (۲) نیټه وشی .

د صهیونیسټ رژیم لوی څارنوال اویخای مندلبلیت د تیر میلادی کال د نوامبر د میاشتې په یویشتمه (۲۱) نیټه په رسمی ډول د دغه  رژیم د  لومړی وزیر بنیامین نتانیاهو پرضد جرم اعلان کړ او هغه یې په مالی فساد ، درغلۍ او له عمومی اعتماد څخه په ناوړه استفادې تورن کړ .